بالفيديو.. ابن الوسط إياد نصار: الوسط الفني "منحل وكله فضايح"
الأحد 19/مارس/2017 - 11:14 م
محمود حمدي
"الفنانين بيقولوا إحنا بنتعب وإحنا بنشقى.. إنتوا وسط منحل ووسط عليه علامة استفهام ووسط كله فضايح"، هكذا بدأ الفنان إياد نصار، حديثه عن رؤيته للوسط الفني أثناء حديثه مع الفنانة سلوى خطاب، وذلك خلال استضافتها في برنامج "قعدة رجالة" الذي يقدمه كلاً من إياد نصار وشريف سلامة ومكسيم خليل، والمذاع على قناة "dmc" الفضائية.
وأضاف نصار قائلاً: "لما فنانة تطلع تقول أنا اتحجبت وتوبت.. يبقى إنتي أكيد كنتي بتعملي حاجة غلط.. لأن الواحد لما بيتوب بيعمل كده على حاجة غلط كان بيعملها"، لتعارضه الفنانة سلوى خطاب قائلة: "ده من وجهة نظرها هي مش أنا.. وهي بتوب على أي حاجة مش لازم الفن.. واللي بتعمل كده دي أكيد مش فنانة حقيقية".