رضوي الشربيني تكتب .. 10 خطوات تعطيكي لقب " مطلقة "
1-
تفنني في الخناق .. خاصة
خناقة الـplaystation، وقعدة القهوة وأصحابه اللي
بيقعد معاهم أكتر منك.. عشان يحس طول الوقت أنه مكتوم علي نفسه، ويدعي علي اليوم
اللي خسر فيه حريته بسببك.
2-
في كل خناقة بينكم .. خلي
دايما صوتك عالي ويارت أعلي من صوته عشان يحس أنه أتجوز راجل زيه .. ويروح عشان
يدور علي أنثي تحسسه أنه راجل وسيد الرجالة كمان.
3-
لو جه اليوم اللي بتكتفي
فيه بنظافة البيت والأولاد وتعامليه معاملة البنوك وأنه بيصرف وبس .. تأكدي أنه
دلوقتي مع واحد تانية.
4-
إذا اعتقدتي ان العلاقة
الحميمة بينكم شئ نسبي، ومش ضروري ومهم بالنسبة له .. فهو دلوقتي مع الست اللي
بتحب تشاركه العلاقة دي.
5-
مقارنتك له بأبن خالتك
وجوز بنت عمتك وخطيب صاحبتك .. هيحس بعدم التقدير أو انه قليل .. نفس الوقت هيكون
فيه ستات كتير بره هيخلوه يحس أنه أسد الغابة.
6-
"أنت بطلت تقولي كلمة
حلوة" .. و "أنت مبقيتش تجيبلي هدايا زي زمان" ... جمل كتير تقلل
من قيمتك ومش هتخليه يهتم بيكي لكنها هتدفعه لباب البيت.
7-
الاهتمام مش في الأكل
والشرب واللبس، فلو مقدرتيش تكوني شريكة حياته وحبييبته فتأكدي أن فيه اللي بيهتم
بيه وبأرائه وافكاره وطموحاته والحاجات اللي بيحبها.
8-
لو فاهمة أن الدلعده
معمول للبنات وهو مبسوط بكده، يبقي دلع التانية كفاية عليه.
9-
لو بقي حس انه نظافتك
ونظافة البيت دي حاجة مش مهمة وأنه اتعود عليه .. فعاية اقولك هو متعودش خالص.
10- واخيرا .. "ماما قالتلي" و"بابا قال" .. و"صحبتي
نصحتني" .."وانا لازم اسمع كلام اصحابي واهلي" جمل كلها ستؤدي
لنهاية واحدة خليكي قاعدة في حضن أمك.
لو مش عايزة
تخسري جوزك فلازم تكوني الزوجة والصديقة والحبيبة وشريكة العمر وفي بعض الأحيان
الأم ....