تامر أمين للمخرجين: مش عاوزين "دعارة ولحم رخيص" في مسلسلات رمضان!

وقال "أمين"، من خلال برنامج "الحياة اليوم" المذاع عبر فضائية الحياة، أن أغلب المسلسلات تتضمن مشاهد غير لائقة وخادشة للحياء من حيث ما ترتديه الفنانات من زي غير لائق بالشهر الكريم ملتمسا العذر في بعض الأحيان قائلاً:" الممثلات ممكن يكونوا معذورين لأن المخرج هو اللي بيفرض عليها الشكل ده مع إن المفروض لو في مشهد غلط ترفض إنها تصوره لكن هي بتخاف من المخرج ".  

وهاجم أثناء الحلقة المخرجين متسائلا، عن هدفهم من تقديم مشاهد خادشة للحياء من خلال العمل الدرامي المقدم قائلا: " إيه الغرض إن إننا نحط دعارة وبلطجة وعنف ومخدرات كتير، وأنا عارف إن المسلسلات دي هتتعرض في شهر رمضان" .

وتابع: "اختشي واعمل إبداع محترم .. اتلموا في رمضان وحافظوا علي مشاعرنا مش عاوزين دعارة ولحم رخيص في مسلسلات رمضان".  

ووجه "أمين" المشاهدين بالقضاء علي المنتجين ماديا بسبب تبنيهم لمسلسلات بعيدة بمشاهدها عن الأخلاق والحياء قائلا :" اللي عاوز يموّت منتج يقلب التليفزيون عن المسلسل بتاعه وميتفرجش عليه علشان ميساعدوش في تحقيق نسبة اعلانات وبكده المسلسل هيسقط " .