بالفيديو.. التفاصيل الكاملة للقبض على أوكا وأورتيجا
الجمعة 19/مايو/2017 - 01:21 م
جهاد محمود
روى كل من أوكا وأورتيجا، خلال حوارهما، في برنامج "معكم" مع الإعلامية منى الشاذلي، المذاع على قناة سي بي سي فى حلقة أمس الخميس، القصة الكاملة للقبض عليهما، وقال أوكا: إنه توجه للمطار مع أورتيجا وهناك فوجئا بضابط ينادي عليهما، وبمجرد أن تم حجزهما تذكر مشكلة مع الضرائب وانتظروا 3 ساعات، مضيفآ: كان عندنا مشكلة مع الضرايب فقولنا إن ده السبب ومجاش في دماغنا إنه التهرب من الجيش وقعدنا 3 ساعات مش عارفين فيه إيه ولا فاهمين قاعدين ليه وبعد 3 ساعات ناس خدونا وقالوا لنا هنعرف وإحنا ماشيين وطول الوقت كنا مفكرين الضرايب.
وقال أورتيجا: قلنا كل حاجة بصراحة يعني أنا والدتي مطلقة من 15 سنة وأنا أكبر إخواتي"، مضيفا كنا مقدمين على الجيش كبار والمفروض من سن 20 سنة يقدم الشاب فدي الحاجة الوحيدة اللي كانت قلقانى وإننا سبنا كذا دفعة واتأخرنا شوية وخفنا نروح نقدم يحصل لنا مشكلة وتفاجأ أول ماقالوا لنا إنتوا متهربين قعدنا نبص لبعض وقلنا الحقيقة".