بعد أخويا وحبيبي.. أحمد سعد لشقيقه عمرو: كنت فاكرك حته مني!

غنى المطرب أحمد سعد، لشقيقه الفنان عمرو سعد، في رمضان 2016 أغنية "بحبك يا صاحبي"، وذلك خلال أحداث مسلسل "يونس ولد فضة"، وذلك قبل أن يثير الجدل والشكوك حول صحة شائعة شائعة خلافهما بسبب خبر زواج أحمد من الفنانة سمية الخشاب، بأغنية مسلسل "وضع أمني"، والمقرر عرضه في رمضان 2017، والتي حملت عنوان "سلام يا صاحبي".

وقال في مطلع أغنية "بحبك يا صاحبي": "لو جبنا سيرة الجدعنه اسمك لازم يتقال.. صاحبي اللى بيه بفتخر من يوم ما كنا عيال، مهما الأيام تتعبه.. عمره ما بص شمال.. في الشدة راجل جدع واقف كما الأبطال، والدنيا مهما اديته.. ميغيروش المال لا عمره مني اشتكى وعمر قلبه ما شال.. تشرف أي حد عشان راجل بجد لو وسط النار تسد عمرك ما تجيب ورا.. تكبر باللي منك جدع من صغر سنك مقدرش استغنى عنك حبيبي وربنا".

أما مطلع أغنية "سلام يا صاحبي": "هنت عليك وقدرت تبيعنى.. دوست على الجرح اللى وجعنى.. كنت بقول للناس ده أخويا.. متخيلتش يوم تخدعني.. أنا أهلى مربينى أكون راجل أصيل.. أصون العشرة دايمًا ومنكرش الجميل.. مبعش فى مرة صاحبى لما الاقى البديل.. وقالولى الدنيا دايرة واللى يحمل يشيل أنا أهلى مفهمنى أن الخاين عويل.. هصون عيشك وملحك ومش هرد جرحك مش هنسالك لكن هسمحك ده اللى اتربيت عليه.. همشى وهعمل بأصلى.. ومش هقل أصلى قلبك مطلعش أصلى ولا تمرت حاجه فيه".

ومن ثم قال أحمد سعد خلال أحداث "يونس ولد فضة": "بحبك يا صاحبي من وأنا لسه بحبي وأنا مسنود عليك أخويا وحبيبي في الأوجاع طبيبي حلوه حياتي بيك.. توبالرجوله معمول عموله على قد جسمك لو غيبت حتى في أي حته كفايه اسمك".

ليقول في مسلسل "وضع أمني": "سلام يا صاحبى.. من غير عتاب.. سلام يا صاحبى ما فيش بين الصحاب حساب.. خلصت يا صاحبى ماشيها عادى.. احسن ماتبقا مكسور قصادى.. وفى بيتها برده بشياكه عادى".

وفي نهاية أغنية "بحبك يا صاحبي" قال: "يميل عليا الزمن بإيديك بترفعني.. تحب من غير تمن عمرك ما بتبعني.. بتحس بيا من غير ما أقول ولا حرف.. دايمًا في ضهري في كل لحظه ضعف.. بتخاف عليا دايمًا معايا معايا كتف بكتف".

أما في نهاية أغنية "سلام يا صحبي" قال أحمد سعد: "تيجى منك أنت.. ما جاش فى بالى إنك تخونى.. أزاى ده قولى.. ده أنا كنت فاكرك حته منى.. قلبك جابك تخدع صاحبك.. اكتر واحد فى الكون حبك.. كان سهل عليك توجع قلبك وأنا كنت بشيل عنك تعبك".

فهل تؤكد كلمات أغنية "سلام يا صاحبي"، حقيقة شائعة الخلاف، بعد أن غني أحمد سعد، في مسلسل رمضان الماضي "بحبك يا صاحبي".