نجل "الساحر" يبعث رسالة مؤثرة لوالده

كتب محمد محمود عبدالعزيز، إلي "الساحر" قائلاً: "كل سنة وحضرتك طيب وبخير يا أبويا وصاحبى واخويا وكل ما ليا، اول مره فحياتى ما تكونش معايا وقدام عنيا طول المده دى بس برضه كل سنة وحضرتك طيب لأنى حاسس انك بخير وفى مكان احسن من اللى احنا فيه بكتير". 

وتابع نجل "الساحر" رسالته قائلاً: "عايز اهدى لحضرتك كل حاجه بعملها سواء إنتاج أو تمثيل أو أى حاجه كويسه ممكن أعملها وتبسطك وأى خير بعمله أو بحاول أنى اعمله زى ما حضرتك علمتنى والسنادى بهدى حضرتك صيامى وكل ركعه وكل حرف هقرأه من المصحف الشريف اللى حضرتك ما كنتش بتسيبه، ربنا يتقبل منى ويقدرنى وابقى ربعك فى اى حاجه".  

اختتم الرسالة بتهنئة جميع المحيطين به فقال: "رمضان كريم كل سنة وحضراتكم جميعا بألف صحة وسلامة وخير وربنا يريح قلوبكم ويشفى كل مريض ويرجع كل بعيد ويصبر اى واحد موجوع ويهون علينا جميعا يا رب بحق الشهر الفضيل".  

وفي نهاية رسالة طلب محمد محمود عبد العزيز، من الجميع تذكر "الساحر"، بقراءة الفاتحة له ولأموات المسلمين.