لهذا السبب.. رانيا محمود ياسين تهاجم الإعلام

وجهت الإعلامية رانيا محمود ياسين، رسالة للإعلام من خلال صفحتها الشخصية على موقع "إنستجرام".

وكتبت "رانيا"، كله حافظ مش فاهم الإعلام المحترم هو إنك تكون حياديا في معظم الملفات تنتقد بأدب تهاجم في حدود إنك متولعش البلد تخاف على سمعة بلدك وبرضه تناقش سلبياتها تحترم حكومتك وتنقدها وتقومها وتهاجمها في أوقات كتير تحترم رمز بلدك لكن ممكن وتنقده ما فيش حد فوق النقد تخاف على بلدك من الإرهاب والدول إللى بتدعمه اهو ده استمر إلى بيتمسح فيه الحيادية الإعلامية بأستيكة إنما أكلشيه الإعلام الفاسد وإعلام تطبيل علشان أولع البلد فدي مش مهنيه أصلا ما هو مش علشان أعجب الإعلاميين إللي بتمولهم قطر وتركيا فبقى كده وطنية ثورية شريفه ده كلام ناس حافظة مش فاهمة وإللي على البحر عوام.

وتابعت: احترامك لجمهورك واهتمامك ووعيك وحرصك على الأمن القومي المصري والعربي مصداقيتك في شغلك وإنك ترضي ضميرك المهني دي أمور لا يفهمها سوى كل من ينظر من بعيد وإللي إيده في الميه مش زي إللى إيده في النار يا شويه زيطة والكلام وده موجه طبعا لبهوات إللى بيدخلوا يقولوا يا الإعلام الفاسد والإعلام تطبيل والهري الخايب ده فلتقل خيرًا أو لتصمت واللي مش فاهم في حاجه يخليه في نفسه ما يعقدتش يفتي.