بالصور.. تفاصيل نجاة الملحن إسلام زكى من حادث سيارة
الأحد 09/يوليو/2017 - 09:37 م
سلمى عبدالعزيز
تعرض، اليوم، الملحن إسلام زكى لحادث بسيارته فى طريق العلمين أدى لتحطم السيارة، وذهب على الفور للمستشفى لتلقى العلاج لإصابته، ثم عاد لمنزله بالقاهرة، منذ قليل.
ونشر إسلام مجموعة من الصور بعد الحادثة، وعلق عليها قائلا:"..الحمد لله وصلت البيت .. شكرا لكل الناس اللي كلمتني وبعتولي وقريت كل التعليقات واحد واحد".
وأضاف إسلام:"....ربنا يخليكو ليا ويستر طريقكم وربنا طلعني من حادثة كان ممكن تكون اسواء من كدة .. مش شرط تكون انت اللي غلطان ممكن جدا زي ما حصل معايا واحد غيرك يكون سبب في حادثة زي دي وانت ماشي في امان الله ..".
وتابع:"...الراجل شكلة كان بينام وهو سايق ومعاه مراتة واطفال فجاة خرج عن الطريق وراح ناحية الرصيف و بيفادي نفسة راح كاسر عليا انا وانا ماشي بسرعتي في نص العربية .. مش هوصف خضة الحادثة وانت لوحدك الساعة ٧ الصبح والحمد لله اني كنت لوحدي ومحدش قاعد جنبي و الازاز كلة بيضرب في وشك وعلي جسمك والعربية عمالة تلف بيك ومش عارف هتخلص علي اية وربنا ستر واللي جاي ورايا وقف قبل ما يخبطني هو كمان .. خلي بالك من كل اللي حواليك حتي لو انت احسن سواق في العالم ممكن بحركة غبية من حد تاني تقضي عليك وعلية .. ربنا يستر طريقكم وشكرا تاني واسف قلقتكم دة قضاء ربنا والحمد لله".
