بهاء الدين محمد يرد على استهتار سميرة سعيد من أغنية "اكتبلك تعهد"

وعلق "بهاء الدين"، من خلال حسابه الشخصى على موقع التواصل الاجتماعى الفيس بوك قائلًا: "طالما عمرو أديب بيعيد حلقة سميرة سعيد، وكلامها عن أغنية أكتبلك تعهد إنها كانت أغنيتها وماخدتهاش ولأن عمرو كان لازم يرجعلى علشان أرد على محاولة استهتارها..  مضطر أوضح".

وأكد "بهاء الدين": إن بالفعل كان عاجبها مذهب الأغنية واديتها لملحن تحت إشرافها وبعتتلى اللحن وسمعته ورفضته لأنه كان مش لايق على الكلام خالص وعلشان ماتزعلش قولتها إنسى الأغنية دى لأنها هتنجح وكل الموضوع ماخدش كام يوم فقط مش سنين. 

وتابع قائلًا: "سمعت أنغام كلمات الأغنية وعجبها وكان رد فعلها كله وعى وفهم وإهتمام وفن ووظفتها صح وإتفقنا يلحنها الفنان إيهاب عبد الواحد، ونجحت وأصبحت الحمدلله أغنية للتاريخ فماكانش فيه داعى إن سميرة تطلع نفسها بالصورة دى ولكن غلطه ربما تكون غير محسوبه ولا مقصودة لأنها مش في صالحها لكن.. ردى عليها الأغنية نجحت يا سميرة ورغم اللى قولتيه لكى كل الإحترام والتقدير".