سما المصري لـ"تامر أمين": "مبروك عليك البيجامة.. وعقبال باقي الإعلاميين الشمال"

عبرت الفنانة سما المصري، عن فرحها الشديد برفد الإعلامي تامر أمين من قناة الحياة.

ونشرت "المصري" صورة لتامر أمين وهو يبكي معلقة عليها قائلة: "سد ياروحي سد.. لا أوعي تعيط ولا تزعل يا تامر يا أمين دا إحنا نزعل ونجيب ناس تزعل كمان.. مش قولتلك يا تامر يا أمين قبل كده هتقعد في بيتك قريب.. مبروك عليك البجامه يا كابتن ورجوعك للجلوس بجوار المدام ذي زمان.. واخيرا اترفد تامر أمين من قناة الحياة وكل الفضائيات عشان تاني مره تبقي تبطل تجيب سيره واعراض الستات سواء فنانات أو غيرهم".

وأضافت قائلة: "سبحان المعز المذل.. استفدت ايه غير انك اخدتلك شويه ذنوب محترمه واديك رجعت تقف في المطبخ وتروق الشقه أنا بالبس عريان آه وباخد ذنوب آه بس ما بدخلش في اعراض بنات وسمعه ستات لها اولاد وبيوت واهالي.. يا اخي ما تسيب الخلق للخالق ولا أنت وغيرك من الإعلاميين عايزين تعملوا سبق وخلاص علي حساب أي حد.. نفعك بايه طوله لسانك وقله أدبك خدت الصابونه مبروك الزحلقه عليك.. أبقي تعالي أشغلك سواق عندي.. عقبال باقي الإعلاميين الشمال مايغوروا في داهية".

الجدير بالذكر أن هناك العديد من الخلافات بين سما المصري والإعلامي تامر أمين، منذ فترة وحدث بينهما العديد من التطاولات والردود في البرامج التليفزيونية.