نجاحات واخفاقات.. محمد إمام يختم السنة بهذه الكلمات
الإثنين 30/ديسمبر/2019 - 11:16 م
رضوى فاروق
نشر الفنان محمد إمام، عبر حسابه الشخصي على موقع "انستجرام"، صورة له بالأبيض والأسود، وعلق عليها بعبارات تحكي عن تجربته في الحياة، ليختتم العام بها.
وكتب "إمام" قائلاً "كل عقد وأنتم طيبين.. ١٠ سنين عدوا على الواحد بحلوها ومُرها.. نجاحات وإخفاقات.. أوقات سعيدة وأيام كئيبة.. فرح على ألم.. ضحك على حزن".
وتابع "ناس دخلوا حياتنا نوروها وناس مشيوا ضلموها وناس صمدوا معانا برغم كل الظروف.. أحلام اتحققت وأفكار اتثبتت.. أهداف تلاشت وأراء اتغيرت.. كرهت حاجات حبتها وحبيت حاجات كرهتها".
وأضاف "وصول للقمة مكنش سهل والحفاظ عليه صعب.. وكل اللي كان نفسي فيه ومحصلش، الحياة طلعت احسن من غيره.. وكل اللي كنت فاكرة مش هيعدي اهو عدى".
واختتم "اهم حاجة اتعلمتها هي اني لسة هتعلم كتير .. و اي حاجة ولو صغيرة حصلتلك في حياتك بتحضرك للحظة لسة جاية .. و أخيراً ، مفيش حاجة مستاهلة زعل او فراق.. خلونا نقضي ايامنا واحنا جنب بعض وساندين بعض.. كل سنة وانتم جميعاً طيبين.. وان شاء الله السنة دي أحلى من كل السنين ٢٠٢٠".
وينتظر محمد إمام عرض فيلمه الجديد "لص بغداد" في منتصف يناير المقبل، ويشاركه في البطولة فتحي عبد الوهاب، وياسمين رئيس، وأمينة خليل، ومحمد عبد الرحمن، وصلاح عبد الله،من إخراج أحمد خالد موسى وتأليف تامر إبراهيم، وإنتاج سينرجى فيلم.