بعد مهاجمته لـ"الهضبة".. خالد تاج الدين يرد بشراسة على زكي فطين عبدالوهاب

هاجم الفنان زكي فطين عبد الوهاب النجم عمرو دياب اتهمه بـ"الإفلاس"، عبر حسابه على موقع التواصل الاجتماعي "فيس بوك".

ورد الشاعر الغنائي خالد تاج الدين عبر صفحته على الفيس بوك: "الأخ ده كمان لقى مفيش أضواء عليه قالك أهاجم الكبير.. أنا مش فاهم بس هو نجاح عمرو دياب المتواصل والمستمر بيضايقك في إيه بس.. أنا هقولك الخلاصة عمرو دياب هضبة غصب عنك وواصل لكل الأجيال".

وتابع: "أنا بنتي الصغيرة 8 سنين واتحايلت عليا علشان تروح تتصور مع عمرو دياب وبتعشق كل أغانيه القديمة قبل الجديدة.. إنما لو سألتها مين زكي فطين ده أراهنك إنها مش هتعرفك.. كفاية عك بقى".

الجدير بالذكر أن زكي فطين عبدالوهاب كان قد كتب"انا عارف ان فى ناس هتزعل من الكلام اللى هقوله .. لكن بعد الهجوم الشرس على اغانى وموسيقى المهرجانات.. نفسى افهم عمرو دياب الملقب بال "هضبه" .. بمناسبه ايه".

وتابع :"اغانيه والحانه وكلمات اغانيه هى هى من ٢٠ سنه .. ده افلاس فني مابعده افلاس .. اغانى ال "مهرجانات" فيها تجديد وابتكار وتنوع اكتر بكتير غصب عن الملحن الفذ "حلمى بكر" .