إلهام شاهين: أبويا شتمنى وهو على فراش الموت.. وأعتبر شقيقى غريبًا عنى لهذا السبب!

وأوضحت خلال لقائها ببرنامج "السيرة" الذي تقدمه الإعلامية وفاء الكيلاني بقناة "dmc": ما اتوجعتش غير لما بابا مات لأن اليوم ده كان الصبح زعلان مني لأني أكلته غصب عنه، وكان وقتها رافض الأكل.

وتابعت: دخلت المعلقة غصب عنه فطير طبق الجيلي في خلقتي، ونزل على وشي وكل هدومي، وشتمني شتيمة ما ينفعش أقولها، أنا ضايقته وهو في حالة صعبة، وأنا مش زعلانة ولا ندمانة إنى دخلت التمثيل غصب عنه، لأن التمثيل مش غلط وأنا كنت بحب الفن".

وعن المرض الذي كان سببا في وفاة والدها، أشارت إلى أنه كان يعاني تليفا كبيرا في الكبد.

وعن علاقتها بشقيقها من الوالد، علقت "إلهام شاهين": ما أعرفش أخويا اللي من أبويا لأنى بحس أنه حد غريب، وعلشان كده مقاطعاه ويمكن يكون السبب إني كنت زعلانة ومتضايقة لماما لأنه اتجوز عليها، وأنا طلبت من أبويا أنه يطلقها ولكنه رفض.

وتابعت: أبويا وهو على فراش الموت ما كانش عايز يشوف أمي لما كان في المستشفى، ولكنها هي اللي كانت قاعدة جنبه في آخر 20 يوما قبل وفاته.

وأكدت: "رفضت أن يدفن أبويا في بلده العمار بلد المشمش بالقليوبية وقلت لعمي أنا اشتريت مقبرة جديدة في القاهرة".