خالد الصاوى يكشف تفاصيل دخوله "التخشيبة"

وأضاف خلال لقائه ببرنامج "السيرة" الذي تقدمه الإعلامية وفاء الكيلاني بقناة "دي إم سي": "أنا ما بستحملش الافتراء واللي بيغلط فيا لا أترك حقي معاه، ولكن أنا شخصية تعتذر لما بتغلط".

وتابع: "اتضربت من أبويا وأمي كتير علشان كوارث، وكرهت الضرب  بس ما كرهتش أبويا أو أمي، وأبرز الكوارث اللي عملتها ولعت في المطبخ، وآخر حريقة عملتها من سنتين لما سيبت السيجارة وولعت في الدنيا".

واستطرد: "اتخانقت مرة مع حد كان مسمي نفسه فتوة في العجوز وكان غريب الأطوار، وفي نادي الصيد اتخانقت معاه وخلعت قبل لما البوكس يلمنا، اتحبست أنا واتنين زمايلي في بورسعيد لما عملنا خناقة في مصيف الجامعة وكالعادة بكون في الواجهة وصوتي عالي وبيت ليلة في الحجز  والضابط احتراما لأهالينا خرجنا تاني يوم".

وأكمل: "في خناقاتي بأكون الشخص المنتصر واللي بيضرب أي حد وبيخليه يكره نفسه"، متابعا: "عمرى ما مسكت سلاح بس كنت بتخانق عادي وما وصلتش للحالة النفسية اللي تخلي أهلي يعالجوني عند دكتور نفسي".

ولفت: "ربنا ما زال ساترها معايا لحد دلوقتي رغم كل الجرائم اللي عملتها.. ضميري دائما بيتخانق معايا بسبب الأخطاء اللي بعملها علشان كده بحاول ما أغلطش".