خالد الصاوى: مشيت على سور بلكونة شقتنا فى الدور الـ 23.. لهذا السبب

ولفت خلال لقائه ببرنامج "السيرة" بقناة "دي إم سي": "أبويا وأمي كان ليهم هيبة عندي، ولكن أبويا كان أقرب ليا لأنه كان بيقولي احكي لي عن الغلط ومش هتتعاقب فكنت بقوله كل شيء، وتقبل أبويا لحالتي وتوبتي وندمي على خطأي وكتمان سر الحوادث اللي كنت بعملها كان بيساعدني إني أبعد عن ارتكاب الأخطاء".

وأشار: "كان دايما عندي رغبة في الحرية لدرجة إني مشيت على سور بلكونة شقتنا في الدور الـ23 علشان أحس إنى حر وبطير والناس كانت متفاجئة مني".

ولفت إلى أنه لا يمانع في كتابة سيرته الذاتية ولكنه يتخوف من تأثير حالته المزاجية فيما سيكتبه عن حياته وقصصه.

وتابع: "أكره نفسي في أخطائي ولكن ما بكرهش نفسي في ذكرياتي لأني مش هقدر أمسحه من تاريخه ولازم أتقبله لأنه جزء من تاريخي"، مؤكدًا: "عندي حماقة ينطبق عليها إذا بليتم فاستتروا ولكن مش هينفع أحكيها".