انهيار نيللى كريم من البكاء على الهواء بعد تذكرها أكثر لحظة كسرتها فى حياتها

وأضافت خلال لقائها ببرنامج "شيخ الحارة" المذاع عبر فضائية "القاهرة والناس": "كانت الحادثة غريبة، فكانت أمي مع كندة ابنتي الصغيرة، وكانت أمي تقلي "بطاطس" ولكنها تعبت فجأءة وسقطت أرضا، والبطاطس على النار وفجأة البطاطس ولعت وأمي واقعة، وكندة بتعيط، لكن كان فيه بعض إدراك، فزحفت على الأرض لغاية المطبخ واستطاعت أن تطفي النار، ومن كتر إرهاق كندة من العياط نامت على الأرض بجانب أمي".

وتابعت وهي منغمرة في دموعها: "انهارت من الموقف لما شوفت أمي في المستشفى مريضة وكنت قبلها شايفاها إنها ست قوية، فمقدرتش أستحمل وكلمت أخويا في أمريكا وقولتله تعالى مش هعرف أتصرف، أخويا دكتور وهيعرف يتصرف أكتر مني، فقطع أول طيارة وجه".

وواصلت: "شعرت في وقت مرض أمي إن من غيرها ولا حاجة، كانت الأمان بالنسبة لي فهي كانت سندي وضهري وشايلة عني كتير وبتربي ولادي، كنت من غيرها هكون ولا حاجة".

وتسببت قصة نيللي كريم في انهيار إيناس الدغيدي من البكاء، مما اضطرها للخروج لفاصل.