تعليق تامر أمين على حلاقة "المداح": برافو حمادة هلال.. وعيب أوى على الحلاق
الأربعاء 02/يونيو/2021 - 01:03 م
اميرة عبدالهادي
أشاد الإعلامي تامر أمين بموقف الفنان حمادة هلال من قيام ولد صغير برسم اسم مسلسل "المداح" على شعره أثناء الحلاقة.
وأضاف خلال تقديمه برنامج "آخر النهار"، المذاع على قناة "النهار"،: "المفروض إن دا نجاح فظيع للمسلسل، ومين أكتر واحد في الدنيا المفروض يتشقلب من الفرحة؟ حمادة هلال، بس الحقيقة معملش كده، وطلع أوعى وأنضج مما نظن. شاف الصورة وكتب تعليق قاله أرجوك بلاش والنبي".
وأوضح: "حمادة هلال يثبت إنه أولا ابن بلد وواعي وفاهم، والنجاح مبيلفش دماغه زي ناس تانية، وإنه عارف إن دا مسلسل اتمثل وخلاص، لكن الولاد لازم تحافظ على شخصيتها وهويتها، ومتتأثرش بالحاجات الغلط دي. برافو المداح، وبرافو حمادة هلال، وعيب أوي على الحلاق".