نور اللبنانية: الأمومة بالنسبة لى حاجة حلوة ولكن!
الثلاثاء 20/يوليو/2021 - 06:30 م
جهاد محمود
تحدثت الفنانة اللبنانية نور، عن دور الأمومة في حياتها وما تعلمته من أهلها وتطبقه على أولادها وفي تربيتها لهم.
وأضافت من خلال قناة cbc، اليوم الثلاثاء، أنا عندى طفلين ولد وبنت والأمومة بالنسبة لى حاجة حلوة لكن محتاجة وقت ومجهود كبير وأظن الأولاد هما اللي بيربوا أهلهم مش إحنا اللى بنربيهم وربنا يخليهم لى لأنهم أغلى حاجة عندى في الدنيا كلها.
وتابعت أخدت من والدى في تربية أولادى أن يكون في حزم والتزام ومسؤولية وفى مواعيد للنوم محددة ما والدتى فأخدت منها التضحية والعطاء وحب من غير حدود واهتمام وازاى أكون صاحبتهم وامتى أكون الام في الوقت المناسب وأكثر الأشياء التي كنت أكرهها في صغرى من أهلي هو أنهم يجبروني على النوم الساعة 8 ليلًا، ولكن عندما كبرت عرفت قيمة ذلك فأصبحت أنا من تجبر أولادها على النوم 8 مساء وممكن أسيبهم يسهرو شوية في الإجازة وزوجي بيدلع الأولاد أكثر مني .