سهير رمزى تكشف عدد زيجاتها وسبب انفصالها عن فاروق الفيشاوى

وأضافت خلال لقائها ببرنامج "السيرة" المذاع على قناة "دي إم سي": "اتجوزت تاني مرة من شخصية عربية مهمة وامتدت لـ 4 سنوات وبعدين انفصلنا لأنه كان لازم يسافر السعودية واشترطت عليه إني لازم أمثل، ووقتها كنت بشارك في فيلم "ثرثرة فوق النيل" وكنت لسه جديدة وهو مكنش عايزني اشتغل وأنا أصريت اشتغل".

 

وتابعت: "ثالث زيجة ليا كانت رجل أعمال كويتي أحمد الملا وقعدنا حوالي 7 سنين، وكانت جوازة معمرة، ومكنش وقتها على ذمته الفنانة نجوى فؤاد، وعمري ما اتجوزت شخص على ذمته أي زوجة تانية حتى مع الشخصيات العربية، وانفصلنا بسبب غيرته على بسبب شغلي، وكان غيور بشكل مبالغ فيه والحب اللى يخنق أوي، وعشت معاه على أعصابي".

ولفتت: "كل اللي اتجوزتهم كانوا بيغيروا علي أوي، والجوازة الرابعة ليا كانت من الفنان محمود قابيل وسبب انفصالي عنه مش إنى بغير عليه ولما بلاقى حد بيعجب بزوجي بكون سعيدة وفرحانة جدا، لكن هو فنان محترم ومهذب ولكننا وصلنا لمرحلة صعبة في الاستمرار وزواجنا استمر عام واحد فقط، والزيجة الخامسة كانت من رجل الأعمال سيد متولي وتزوجته 8 سنوات وجمعنا قصة حب كبيرة، والزيجة السادسة كانت من رجل أعمال سوري وعمرها اقل من سنة وما قدرتش أكمل معاه ودفعت ثمن تسرعي في الزيجة دي، ولما فوقت قلت ليه اتجوزت الشخص ده".

 

وأكملت:"الزيجة السابعة كانت من الفنان فاروق الفيشاوي وقعدنا متجوزين 5 سنين وحصل طلاق 3 مرات ورجعنا وكان بيغير عليا بس الغيرة اللى مش تضايق، وفي أيامه الأخيرة كان بيشترط يكون البطل اللي قدامي وحاجات كده فالمسألة كانت صعبة شوية وانفصلنا".