أحمد السقا بعد تكريم مهرجان الجونة: العداد اتصفر ورجعت تلميذ
الثلاثاء 19/أكتوبر/2021 - 11:02 م
أميرة عبدالهادى
قال الفنان أحمد السقا: "لما اتكرمت بجائزة الإنجاز الإبداعي في مهرجان الجونة السينمائي في دورته الخامسة حسيت إني العداد اتصفر لأننا اتعودنا إن التكريم بيجي والفنان مش على قيد الحياة إنما لم يجي واحنا صغيرين بيحسسنا مسؤولية وهبدأ أفكر بعقلية المبتدأ اللي لسه بيبدأ وعلى ما هي صعبة على ما هي ممتعة".
وتابع خلال لقائه ببرنامج "كلمة أخيرة" المذاع على قناة "أون": "الشغف لسه موجود عندي وأنا رايح أعمل فيلم أو عمل جديد، وأنا نازل ألعب دور بحبه أو عاشقه لما بدخل كل يوم أول شوت قدام الكاميرا رجليا بتخبط في بعضها وإيدي تهتز وبوقي بيرتعش لحد لما الموتور يشتغل والدنيا تظبط".
وأضاف: "حاسس إني لسه تلميذ ولسه بذاكر واتعب، ويعيش المعلم ويتعلم وبحب أذاكر كل شخصية بتفاصيلها الكاملة".