شيرين رضا عن رفض بعض الفنانين تقديم مشاهد ساخنة: "يشتغلوا في الراديو أحسن"
الثلاثاء 26/أكتوبر/2021 - 10:25 م
أميرة عبدالهادى
علقت الفنانة شيرين رضا، على مشهد قبلة الفنان خالد النبوي لها في نهاية فيلم "قمر 14"، قائلة: "مش عايزين نحرق الفيلم".
وأضافت خلال لقائها ببرنامج "كلمة أخيرة" المذاع على قناة "أون": "القبلات والأحضان لو متوظفة صح في مشاهد السينما هتبقى مظبوطة، وأنا لست ضد المشاهد الساخنة طالما متوظفة صح".
وعن الفنانين الذين يرفضون القبلات والمشاهد الساخنة في الأفلام، علقت شيرين رضا: "طب ليه بيشتغلوا في الفن ممكن يشتغلوا في الراديو، والراديو مش لازم يمسكوا حد، ومصطلح السينما النظيفة دي شتيمة لأنه بيشتمنا كلنا يعني اللي ما يعملش غير كده يبقى قاصده إننا مبتذلين أو سمعتنا وحشة، السينما تبين الواقع وحياتنا كبني آدمين، ومش بنعمل حياة البقرة، والست لما بتشوف ابنها اللي بقالها 20 سنة ما شفتهوش ينفع تسلم عليه بس ده خطأ".