سليمان عيد يكشف عن مقالب أحمد السقا معه

كشف الفنان سليمان عيد، خلال الجزء الثاني من لقائه ببرنامج "سهرانين" الذي يقدمه الفنان أمير كرارة بقناة "أون"، عن المقالب التي تعرض لها على يد النجم أحمد السقا.

وقال سليمان عيد: "في إحدى المرات لقيت أحمد السقا بيتصل على وبيقولي أحمد رزق تعبان أوي وعندي في البيت، ولازم تيجي لنا بسرعة وتجيبلنا دواء "أندر لاين 800" وكل اجزخانة أقوله عندك الدواء ده يقولي مفيش، فكلمت السقا فقالى طيب اديني الصيدلي، فلقيت الصيدلي بيقولي اتفضل ارتاح وقالى انت دلوقتي حاسس بإيه وإيه اللى بيتعبك ويخليك تتعصب، أصل قالولي فيه حاجة بتخليك تتجنن وانا خايف علي الصيدلية، فاستغربت وقلت له مفيش، وعرفت إن ده مقلب من احمد السقا".

وأضاف: "ومرة أحمد السقا نزلني في الشتاء وقالى روح فندق معين وقابلني، ولما وصلت لقيت ايدي بتتني وكل الأمن حواليا ومسدسات طلعت في وشي وطلع إن الأوتيل فيه وزير خارجية مهم، وأحمد السقا في أوتيل تاني في أبو ظبي بنفس اسم الأوتيل، وكلمته وقتها وقالى معلش نسيت اقولك إني في أبو ظبي".