هانى شاكر: اللى بيسمع مهرجانات شاكوش وبيكا ميشرفنيش يسمعنى
السبت 20/نوفمبر/2021 - 12:40 م
أميرة عبدالهادى
انفعل الفنان هاني شاكر، نقيب الموسيقيين، على الهواء، بعد دفاع البعض عن نجوم المهرجانات.
وقال هاني شاكر، خلال مداخلة هاتفية ببرنامج "الحكاية" المذاع عبر فضائية "إم بي سي مصر": "اللي يسمع النوعية دي استحالة يسمع هاني شاكر، ولا يشرفني".
وأضاف شاكر: "واللي بيقول أغني مهرجانات عشان أنجح، يبص على حفلة الموسيقى العربية، كم الجمهور ونوعيته، والأغاني التي قدمتها في مراحل كبيرة في حياتي من البدايات لآخر غنوة، مش ناقص نصيحته عشان أنجح واستمر إني أغني مهرجانات، حتى لو عملت أغنية فيها رتم لازم يكون فيها فن".
وردا على ترديد أن دوره الاهتمام بالمعاشات وعلاج المرضى، قال هاني شاكر منفعلا: "هو أنا جاي اشتغل داية، ادي للعيان حقنة، والمسكين أديله لقمة، اللي ميعرفش حاجة يسأل، دور النقابة أحافظ على أعضائي والمهنة، مينفعش في عصر السيسي ويكون ده الفن المتصدر، شاكوش ارتكب جريمة على المسرح، ومنعه دور النقابة والرقابة، وبيننا تنسيق، مينفع عضو يطلع يقل أدبه، العضو يلتزم بالآداب العامة".