"لو جوزي مريض إيدز هموته.. و فكرة مساكنة حفيداتي دون زواج مستحيلة".. أبرز تصريحات غادة عبد الرازق‎

في البداية تحدثت غادة عبد الرازق، عن سبب زواجها من رجال أكبر منها بالسن والفارق الذي كان يصل في بعض الأحيان إلى 25 عامًا، وقالت إنها تزوجت من رجال أكبر منها سنا بسبب محاولتها الحصول على حنان والدها بعد رحيله وليس بدافع الحب.

وأضافت قائلة: "بعد وفاة والدي وأخويا وأنا في سن صغير حسيت إن الأمان والسند ضاع ودا خلاني أرتبط برجالة أكبر مني بكتير وبعد والد روتانا ارتبطت مرتين برجالة أكبر مني في السن جدا وكنت بحاول أدور على بابا تاني حتى كنت بختارهم شبهه في الهيئة وفي نفس شغله ودي كانت غريبة بالنسبة للناس اللي حواليا".

وأشارت إلى أنها لم تزر قبر والدها لأنه مدفون في الشرقية ولكنها زارت قبر والدتها مرتين ولكنها تعبت نفسيا وإلى هذه اللحظة وهي تتعالج من الخوف.

كما روت غادة عبد الرازق قصة وفاة والدها محمد عبد الرازق الذي رحل وهي بعمر 12 عامًا، قائلًا: "اللي أنا فاكراه إن قبل وفاته بـ 3 أيام، كنا في البيت وبنتغدا وكان مبسوط جدًا لأنه وقتها كان هيبقى وزير للاستثمار وقال إنه بعد 3 أيام هيمسك المنصب، وتاني يوم كان عنده جلسة في مجلس الوزراء وجاله هبوط حاد في الدورة الدموية ونقلوه المستشفى وروحنا بالليل لقيناه كويس وكان بيضحك ويهزر، وروحنا وكنا بايتين عند ولاد خالتي وتاني يوم قالولنا روحوا البيت واحنا في الطريق عرفت إن بابا اتوفى ومش فاكرة ساعتها انكسرت ولا ضعفت".

وخلال اللقاء كشفت عن رد فعلها في حال أصيب زوجها بالإيدز، وقالت: "لو جوزي مريض إيدز هموته وأموت نفسي، لأنه أكيد لو جوزي هبقى أنا مريضه زيه ولو حبيبي هبلغ عنه مش هموت نفسي عشانه".

واختتمت غادة عبد الرازق حديثها في البرنامج، حول رأيها عن فكرة مساكنة حفيداتها دون زواج، فقالت: "مش هستنى واحدة من حفيداتي تيجي تقولي انها هتعيش مع واحد بدون زواج، لأنهم من وهما صغيرين متربيين وعارفين الحلال والحرام، عُمر حفيداتي ما هيوصلوا لحاجة زي دي لأن أنا وأمهم ربيناهم على إيه يصح وإيه مايصحش".