ملخص أحداث الحلقة الـ22 من مسلسل "المعلم"

تناولت الحلقة22، تواجد زمزم فى المستشفى ويرافقها والدها وبشر ومنعم ودهب، ولكن حاول شقيقها أن يلمح إلى أنه لم يدفع شيئا فى مصاريف المستشفى، ليتحرك منعم ويذهب إلى الحسابات وقابله الطبيب الذى أكد له أن زمزم تعانى من سرطان الدم.

كما ذهب المعلم إلى الجنتل وبدأ الأخير فى مساومة المعلم بشأن المخدرات، وبسبب تلك الشحنة وضع مصطفى شعبان عدة شروط حتى يعطيهم المخدرات اولها نقل محلات والده له بيع وشراء، ثم كتابة الفيلات له، ثم بعد ذلك سيقول لهم على مبلغ يكون نصيبه فى العملية حتى يستردون البضاعة.

وذهب لها وقال: «إحنا شلنا الفرح سوا هنشيل الحزن سوا يا بنت عمي وصاحبتي ومراتي، ليه تداري عني مرضك ومتخلنيش أقف جنبك، هتخفي وهتبقى زي الفل وهتتعالجي أحسن علاج، مهما أتكلف هتفضلي معايا، كله بإيد ربنا».

وأضاف: «زمان وإحنا صغيرين كنتي تخبي على الكل إلا أنا، الفلوس حاضرة من جنيه لحد ما يخلص العدد، حق أبويا راجع وبفوايده، وهتتعالجي يا زمزم وهتخفي وهنفتح الحصالة وهقولك كل اللي فيها يا نور عيني، أنا معرفش أعيش في الدنيا دي من غيرك ولا يوم».

وتابع المعلم: «الدكاترة هيعلموا كل الأشعة والتحاليل محتاجين نطمن عليكي قريب وتخرجي، أعملوا اللازم يا دكتور ومن بكرة الفلوس كلها هتكون في الحسابات عشان زمزم تتعالج وتقوم لي بألف سلامة»

وقال له الدكتور: "الحالة متأخرة ومفيش داعي للمصاريف، والموضوع مسألة وقت"، ليقول له: "زمزم هتعيش وشوف شغلك والفلوس هتكون عندك من النجمة ملكش حجة".