فريدة سيف النصر: بتخض من الحب

ووجهت خلال استضافتها ببرنامج «أسرار النجوم» على «نجوم إف.إم» رسالة إلى فريق عمل مسلسل العتاولة والذي عرض في رمضان الماضي 2024 قائلة بحبكم بجد وأديت كل اللي في قلبي بجد وأتمنى النجاح للكل بجد اللي بيحب ربنا بيعرف المحبة وبيحب كل اللي خلقه ربنا والروح اللي حاطتها في أي جسد ما دام جواكي رحمة يبقى جواكي حب، وأكيد ربنا هيبقى في ضهرك وأنا بقعد أشكر ربنا وبتخض من الحب وبلاقي مظاهرات لشباب تحت البيت عاوزين يتصوروا معايا فأنا بقول لهم إني بحبهم رغم إني زعلانة لأني حبيت سترة وماتت.

كما عبرت عن استيائها من تجاهل ذكر اسمها في بعض اللقاءات ضمن فريق العمل موجهة رسالة للفنان باسم سمرة شكرا يا أستاذ باسم لأنك في كل الأماكن بتجيب سيرتي.

ووجهت رسالة لنفسها بلسان شخصيتها في العمل سترة وقالت أنتي تعبتيني معاكي لأنك فاكرة كل الناس أبيض وبتقولي كل حاجة كويسة اتعلمي تقعدي وتعملي بريستيج.

وتابعت أنا مش حاسة إني عاملة أفضل ما عندي ما مكانش عندي فرصة لده لأن كان فيه كاست كبير جدا فأنا كنت بعافر إني أعمل شغلي صح وأنا كنت وقتها سترة بجد مش فريدة و سترة بالنسبة لي فيها كتير مني وأي شخصية قبلتها وحبيتها فيها مني زي أصيلة في بدون ذكر أسماء وأنا أي عمل بيفضل معايا شوية بعد ما يخلص.